6 hours wey don pass
Finally di Euro 2020 don officially begin.
Di biggest football competition for Europe start today afta dem bin delay am for ova a year sake of coronavirus pandemic.
Na for Rome Stadio Olimpico wey get ova 70,000 capacity dem go do di opening ceremony but di organisers only allow 25% spectators for inside di stadium.
Fans don already begin dey rep dia team ahead of di opening match wey go see Italy face Turkey. Some of dem wear dia Jersey and paint dia face wit dia national team colours
Italian tenor Andrea Bocelli sing di iconic ‘Nessun Dorma’ song, dem bin use am as di official anthem of Italia ’90.
Oda artist wey perform na Martin Garrix, Bono and The Edge, dem perform di official song of di tournament, ‘We Are The People’.
Di effizy and packaging of di opening ceremony really totori fans.
See correct fotos of di opening ceremony
Italy vs Turkey
Di lines for di two teams don already comot and dis na how di two teams go start for dia Group a opening match.